22. maí – 21. júní TVÍBURI

Tvíburi

Tvíburinn er alltaf að flýta sér og vill því léttan mat sem er bæði fljótlegt að elda og borða. Þ.e.a.s. ef hann man þá eftir því að borða. Loftið er hans frumefni og það tengist hugsun. Ef hann hefur eitthvað til að kjamsa á í huganum getur maturinn gleymst. Hann er líklegur til að borða standandi því hann þarf að gera margt í einu eða hann borðar á leiðinni eitthvert. Tvíburi sem situr við borðið talar, les eða horfir á sjónvarpið á meðan hann borðar. Ef þig vantar uppskriftir af fljótlegum réttum, spurðu þá Tvíbura.