Tilvitnun dagsins

Það sem sagt er lýsir þeim sem talar.

Um stjörnukort

Stjörnukort er mynd af stöðu himintunglanna á einhverjum tímapunkti. Þar sem himintunglin eru á stöðugri hreyfingu breytist þessi mynd stöðugt og því er ekkert stjörnukort eins og annað. Stjörnukort einstaklings verður til á þeim tíma sem hann dró andann í fyrsta sinn, hvort sem fæðingin gekk án afskipta eða með keisaraskurði. 

Stjörnukortið er ekki bara mynd af stöðu himintunglanna á fæðingarstund, það er líka mynd af persónunni sem fæddist vegna þess að það er samhengi á milli stöðu himintunglanna og persónueinkenna einstaklingsins sem fæddist inn í þær orkuaðstæður sem voru á fæðingarstund. Þegar verið er að útskýra þetta samhengi er talað um orku. Orka stjörnumerkjanna birtist í persónueinkennum einstaklingsins. 

Orkan er náttúrulegt eldsneyti okkar og við þurfum að skilja hvað drífur okkur áfram og þekkja orkuna okkar.  Hún vísar á þarfir okkar.  Við finnum kannski frábæra vinnu sem okkur fer að leiðast eftir stuttan tíma.  Við höldum að það sé kannski dagsformið og reynum að þrauka, kannski árum saman, jafnvel stóran hluta starfsævinnar, vegna þess að þetta er góð vinna og margir eru ánægðir í svona vinnu.  Þreyta og orkuleysi gerir vart við sig, áhuginn minnkar og frítíminn dugar ekki til að hlaða batteríin.  Þetta er gott dæmi um ójafnvægi sem verður þegar ekki er tekið tillit til orkunnar og þarfanna.  Ef við uppfyllum þarfir okkar viðhöldum við orkuflæðinu en ef við gerum það ekki verðum við þreytt og orkulaus.  Það sem hentar einum hentar ekki öðrum því við erum eins misjöfn og við erum mörg.

Út frá stöðu himintunglanna og afstöðum milli þeirra er hægt að gera persónugreiningu. Þar er hægt er að sjá hvernig einstaklingurinn er að upplagi, hverjar þarfir hans eru og hvort einstaka persónuþættir eru í spennu eða samhljómi við aðra þætti. Í flestum stjörnukortum er bæði spenna og samhljómur.

Persónugreining er gagnleg því hún varpar ljósi á persónulega þætti einstaklingsins eins og tilfinningar hans, hugsun, framkomu, samskipti, sjálfsbjargarhvöt, hvernig hann athafnar sig og hverju markmið hans tengjast. Allir einstaklingar hafa þessa persónulegu þættir en þó er enginn eins og annar. Hvert stjörnukort er eins einstaklingsbundið og fingrafar.

Þó við vitum flest í megin atriðum hvernig við erum saman sett, hverjar þarfir okkar eru og hvernig við viljum hafa lifið okkar getur persónugreining varpað skýrara ljósi á þessa einstaklingsbundnu þætti innra með okkur. Að þekkja sinn innri mann eins og hann raunverulega er, ekki eins og öðrum finnst að hann ætti að vera, eins og við höldum að hann eigi að vera eða hvernig hann hefur mótast af umhverfinu, heldur eins og hann raunverulega er að upplagi, er lykill að sátt og umburðarlyndi gagnvart sjálfum sér og öðrum. Að þekkja og skilja persónulegu þættina sína gefur okkur sjálfstæði og trú á okkur sjálf.   Það er ekki svo lítið.

Einkatími með stjörnukortið þitt

Joomla Templates and Joomla Extensions by JoomlaVision.Com
Greinar og skrif

Póstlisti



Skráðu netfangið þitt á póstlistann og fáðu sendar greinar um stjörnuspeki u.þ.b. 4-6 sinnum á ári.







Hafðu samband

Utan & Innan
Strandgötu 11
220 Hafnarfjörður
S: 895 8184
hg @ utanoginnan.is