Tilvitnun dagsins

Vandamál og lausnir fylgjast að en viðhorfið ræður því á hvort þú einblínir.

Fiskar og árið 2013

Fiskar eru næmir, listrænir og hafa mikið ímyndunarafl.  Orka þeirra er flæðandi og stundum eru mörkin á milli þessa heims og annarra óljós í lífi þeirra.  Nú magnast þessi orka hjá Fiskunum, sérstaklega Fiskum sem fæddir eru á tímabilinu 24. febrúar til 20. mars.  Þetta gæti því verið tími fyrir Fiska til að opna og auka listræna hæfileika sína og skynjun eða til að ná betri tökum á andlegum málum.  Það eru ferðalög í kringum Fiska á árinu og þeir eru líklegir til að ferðast á staði til að skynja og tengja sig við flæðandi orkuna, til að víkka vitundarsvið sitt og auka yfirsýn.  Fiskar sem hafa áhuga á kirkjulist gætu t.d. skipulagt skoðunarferð í kirkjur.  Tónlist og myndlist gæti togað aðra Fiska á sýningar og tónleika.  Þetta er líka tími til að fara í nám og víkka þannig sjóndeildarhringinn.  Nauðsynlegt er að beina þessari flæðandi orku í farveg og nýta hana.  Fiskar fæddir á tímabilinu 19. – 25. febrúar geta átt von á því að vera einstaklega næmir og opnir en jafnframt þurfa þeir að gera sér grein fyrir því að skipulag á þessum tíma er líklegt til að fara fyrir ofan garð og neðan.  Ýmislegt getur orðið óljóst og sjálfsblekking gæti verið orsök vonbrigða síðar.  Þessir Fiskar sérstakleg þurfa að hlusta á hjarta sitt.  Ef hjartað efast getur borgað sig að bíða og sjá til frekar en að ana inn í þokuna.

Forsíða


Joomla Templates and Joomla Extensions by JoomlaVision.Com
Greinar og skrif

Póstlisti



Skráðu netfangið þitt á póstlistann og fáðu sendar greinar um stjörnuspeki u.þ.b. 4-6 sinnum á ári.







Hafðu samband

Utan & Innan
Strandgötu 11
220 Hafnarfjörður
S: 895 8184
hg @ utanoginnan.is