Sporðdrekar og árið 2013

Sporðdrekum gæti fundist. a.m.k. tímabundið, sem títuprjónateljari andi ofan í hálsmálið á þeim og skipti sér af, sérstaklega því sem þeir gætu gert betur eða þegar þeir sýna af sér kæruleysi.  Þetta á sérstaklega við um Sporðdreka sem eru fæddir á bilinu 27. október til 13. nóvember og verður tímabundið hjá hverjum og einum, allt eftir því hvenær hver og einn er fæddur í Sporðdrekamerkinu.  Að upplagi eru Sporðdrekar pínulítið viðkvæmir fyrir því ef einhver skiptir sér af þeim eða reynir að stýra þeim og ef einhver reynir að setja þeim stólinn fyrir dyrnar þá fara þeir bara aðra leið og útskýra það ekki fyrir neinum.  Því er nauðsynlegt fyrir Sporðdreka að skilja að þessi „títuprjónateljari“ er orka en ekki manneskja, þó orkan geti birst í samskiptum við persónur sem tengjast lífi Sporðdrekans.  Sporðdrekar eru engir kjánar og verða sjálfsagt fljótir að sjá við þessu með því að vera skrefinu á undan og standa bara sína plikt en þá hafa þeir stjórnina og þannig vilja þeir hafa það.  Það er því ekki ótrúlegt að margir Sporðdrekar finni sig mjög skipulagða og ábyrga á árinu 2013 og nái þ.a.l. árangri á þeim sviðum sem þeir leggja metnað sinn í.

Forsíða